Hús dagsins: Brekkugata 6

Síðasta "Hús dagsins" á árinu 2012 stendur neðarlega í Brekkugötunni, nánar tiltekið við Brekkugötu 6. Húsið reistu hjónin Böðvar Bjarkan lögmaður og Kristín Jónsdóttir eftir teikningum Halldórs Halldórssonar árið 1923.PC080078 Það ár virðist mikið hafa verið byggt af stórum og skrautlegum steinsteypuhúsum á Akureyri og mörg þeirra í nokkuð framúrstefnulegum stíl. En fyrstu steinsteypuhúsin voru yfirleitt með því hefðbundna "timburhúsalagi" sem menn þekktu. En Brekkugata 6 er svipmikið tvílyft steinsteypuhús á kjallara og með lágu risi. Mikill kvistur á framhlið eða útbygging og hár hornturn eru helstu sérkenni hússins. Böðvar og Kristín nefndu húsið Sólgarða og hefur það heiti haldist á húsinu alla tíð- og er það merkt á útbyggingu framhliðar og sést gegn um trjáþykknið ef mynd er stækkuð. En mikill trjágróður er á lóðinni og að sumarlagi er sést illa í húsið frá Brekkugötunni fyrir laufskrúði. Sennilega eru þetta að miklum hluta tré sem Böðvar og Kristín gróðursettu á sínum tíma en þau áttu þarna einn stærsta og glæsilegasta einkaskrúðgarðinn á Akureyri. Húsið var frá upphafi einbýlishús en ekki myndi ég útiloka að íbúðaskipan hafi einhvern tíma breyst á þessum 9 áratugum sem liðnir eru frá byggingu hússins. Nú er starfrækt þarna Gistiheimilið Sólgarðar. Húsið hefur alla tíð hlotið gott viðhald og virðist í frábæru standi, þá er lóðin stórglæsileg og gróskumikil og til mikillar prýði, enda þótt að lítið sé eftir af skrúðgarði Böðvars og Kristínar, sbr. Steindór Steindórsson (1993:bls.71). Þessi mynd er tekin 8.des. 2012.

Heimildir: Steindór Steindórsson. 1993. Akureyri; höfuðborg hins bjarta norðurs. Reykjavík: Örn og Örlygur.


« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Arnór Bliki Hallmundsson

Höfundur

Arnór Bliki Hallmundsson
Arnór Bliki Hallmundsson

Höfundur er grúskari. Skrifa um og mynda hitt og þetta auk eins og annars.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • PA040027
  • IMG 1503
  • IMG 1501
  • IMG 1500
  • P8291011

Heimsóknir

Flettingar

  • Í dag (29.3.): 14
  • Sl. sólarhring: 45
  • Sl. viku: 431
  • Frá upphafi: 417800

Annað

  • Innlit í dag: 10
  • Innlit sl. viku: 242
  • Gestir í dag: 8
  • IP-tölur í dag: 8

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband