Hús dagsins: Aðalstræti 13

 Aðalstræti 13 þar sem brann í dag var byggt árið 1898. Reyndar var talað um það í Sjónvarpsfréttum í kvöld að það væri 112 ára en skv. Akureyrarbók Steindór Steindórssonar (1993) og Fasteignamati Ríkisins er það byggt 1898. Er þetta af nokkuð hefðbundinni gerð timburhúsa þess tíma, hefur trúlega verið einlyft með risi og miðjukvisti en eins og með svo mörg eldri hús hefur það verið marg viðbyggt og stækkað. Nú er húsið parhús en íbúðaskipan hefur eflaust verið önnur í upphafi. Húsið virðist töluvert skemmt en fyrir öllu er að ekki urðu slys á fólki.  Meðfylgjandi eru nokkrar myndir sem ég tók um 8 leytið í kvöld. 

 Á myndinni hér að neðan má svo sjá svokallaðan reiðing, en það eru torfmottur sem lagðar voru undir byrðar klyfjahesta.  Með  honum voru hús gjarnan einangruð, enda líklega það besta sem var í boði ( steinull var t.a.m. sjaldgæf  um 1900...) . En  hann er mikill eldsmatur, sérstaklega ef hann hefur fengið að þorna milli þilja í meira en 100 ár !

 

 

 

 

 

Eldsvoði á Akureyri