Tækjakosturinn

 Ég tilheyri þeim hópi fólks sem notar síman til sáralítils annars en að hringja og senda skilaboð og hef einhvern vegin ekki vanið mig á að nota síman til myndatöku. En ég lét loksins verða af því um daginn að verða mér út um snúru saman síma og tölvu. Því notaði ég tækifærið og myndaði myndavélina mína!

Einhverjir lesendur þessarar síðu kunna kannski að ímynda sér að ég gangi um götur Akureyrar með margra kílóa, risastóra og fullkomna myndavél. En það er alls kostar ekki rétt. Sú myndavél sem allar húsamyndirnar á þessari síðu eru teknar á kemst auðveldlega í vasa; en þannig finnst mér best að hafa það. Hún er 6 megapixla,af gerðinni Olympus FE120 og ég viðurkenni að stundum getur hún hökt og hikstað en meðan hún virkar skal hún notast. Myndavélina keypti ég í Hagkaup í mars 2006 og var á henni tveggja ára ábyrgð, sem rann þá út fyrir réttum sjö árum. En hér er gripurinn á bak við myndirnar hér á síðunni: