Hús dagsins: Næst á dagskrá

Þá er komið haust og venju samkvæmt færist umfjöllun "Húsa dagsins" aftur inn fyrir þéttbýlismörk Akureyrar (umfjöllunin er "send í sveit" á sumrin). Það sem liggur fyrir er að taka upp þráðinn þar sem frá var horfið, elstu hús Akureyrar í aldursröð. Síðast vorum við stödd við Nonnahús og ef við miðum við listann góða, sem ég tók eitt sinn saman er Aðalstræti 2 næst á dagskrá. Það er raunar í meira lagi áhugavert hús, líklega það hús bæjarins sem er hvað mest breytt frá upphaflegri gerð. En samkvæmt aldursraðarrlistanum eru næstu hús dagsins eftirfarandi:

Aðalstræti 2  Fjallaði lítillega um árið 2014; uppfærslu þörf.

Aðalstræti 6  Var nýlega tekin fyrir hér á síðunni, uppfærsla óþörf.

Aðalstræti 40 Stuttlega fjallað um hér árið 2012; uppfærslu þörf. 

Aðalstræti 42 Stuttlega fjallað um hér árið 2014; uppfærslu þörf.

Aðalstræti 32  Stuttlega fjallað um hér árið 2010; uppfærslu þörf. 

Aðalstræti 4 (Gamla Apótekið). Fjallaði stuttlega um það 2009 - hér er sannarlega þörf á uppfærslu enda hefur húsið gengið í endurnýjun lífdaga. 

Ég reikna með að vera staddur í Aðalstræti langleiðina fram að áramótum en svo eru hugmyndir um uppfærslu pistla um elstu göturnar, t.d. Spítalaveg, Lækjargötu, Lundargötu, elstu hluta Norðurgötu. Og svo held ég áfram með hús í sveitunum næsta sumar.