Svipmyndir af Þorbirni

Þorbjörn eða Þorbjarnarfell er nokkuð í fréttum þessi dægrin: Jarðhræringar, hugsanleg kvikusöfnun sem mögulega gæti leitt til goss. Þessir atburðir eru að vísu ekki í fjallinu sjálfu heldur næsta nágrenni þess, og getur fjallið virkað sem varnargarður fyrir Grindavík gjósi á vissum stöðum. En það er að sjálfsögðu ómetanlegt að til staðar sé svo öflugt vöktunarkerfi eldstöðva sem raun ber vitni og varað getur við hugsanlegum hættum neðan úr jörð. En að Þorbirni sjálfum. Fjallið er móbergsstapi frá ísöld og er 243m á hæð. Það þykir svosem ekki hátt, en útsýni af honum er stórkostlegt yfir vestanvert Reykjanes, Miðnes, Faxaflóa og Atlantshafið til suðurs. Nokkrar gönguleiðir eru á fjallið og ein þeirra liggur hringinn um fjallið, með viðkomu á toppnum.  Hér eru nokkrar svipmyndir sem ég tók þegar ég gekk á fjallið þann 22. júlí 2018.

   

 

 

 

 

 

 

 

 

Hér er horft af göngustígnum austanmegin, horft til Grindavíkur. Á göngustígnum var svartsnigill að spóka sig.             

    

 

 

 

 

 

 

 

 

Norðanmegin í Þorbjarnarfelli má finna leifar bandarískrar hernaðarmannvirkja frá síðari heimstyrjöld. 

  

 

 

 

 

 

 

 

 

Útsýn yfir Reykjanes, á myndinni vinstra megin má sjá Bláa lónið.

 

 

 

 

 

 

 

 

 

 

 

 

 

 

 

 

Kynjamyndir hrauns og burnirót í vesturhlíðum Þorbjarnar.

Nokkrir litlir skjálftar í morgun