"Stórafmælishús" á Akureyri

Ég haft ófá orð um það hér, að vefur þessi eigi 10 ára afmæli á þessu ári og birt ýmislegt til gagns og kannski ekki síst gamans af því tilefni. Meðal annars lista yfir 100 elstu hús Akureyrar og birt yfirlit yfir alla pistla frá upphafi. En það er ekki bara þessi vefur þessi sem á stórafmæli, heldur einnig mörg elstu hús Akureyrar. Hér eru hús, komin á annað hundraðið í aldursárum, sem eiga stórafmæli í ár. Að sjálfsögðu er ævinlega örlítill fyrirvari á byggingarárum elstu húsanna.

170 ára:

Þrjú hús, sem öll standa við Aðalstræti eru talin byggð 1849 og eru því 170 ára í ár. Þjóðskáldið Matthías Jochumsson (sem bjó einmitt í Aðalstræti 50) var um fermingu þegar þessi hús voru byggð og Thomas Edison, sem fann upp ljósaperuna og fleiri hagnýta hluti var tveggja ára. Þessi hús voru 69 ára þegar Ísland varð fullvalda og 95 ára þegar Lýðveldið Ísland var stofnað á Þingvöllum. Og fyrst minnst er á stofnun Lýðveldisins má koma því, að aldursár þessara húsa eru álíka mörg og fjöldi daga frá áramótum til 17. júní. 

Nonnahús, Aðalstræti 54.

 

 

 

 

 

 

 

 

 

 

 

Friðbjarnarhús, Aðalstræti 46.

 

 

 

 

 

 

 

 

 

 

 

Aðalstræti 50.

 

 

 

 

 

 

 

 

 

 

 

160 ára:

Gamla apótekið, Aðalstræti 4, sem nýverið hlaut gagngerar endurbætur og er nú ein af perlum Innbæjarins er byggt 1859 og á því "tvöfalt áttræðisafmæli" í ár. Húsið er þremur árum eldra en Akureyrarkaupstaður, sem stofnaður var 1862.

 

 

 

 

 

 

 

 

 

140 ára:

Lundargata 2, Háskenshús var byggt 1879 og er þannig jafnaldri Alberts Einstein.

 

 

 

 

 

 

 

 

 

 

 

120 ára:

Aðalstræti 17, Norðurgata 1, Norðurgata 3 og Spítalavegur 9 eru byggð 1899.

 

 

 

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

 

 

 

 

 

 

 

 

 

110 ára:

Hamborg, Hafnarstræti 94 er byggt 1909.

 

 

 

 

 

 

 

 

 

 

100 ára:

Eftir því sem ég kemst næst eru þrjú hús innan þéttbýlismarka Akureyrar (Ath. þekki því miður ekki til varðandi Grímsey og Hrísey) sem byggð eru 1919 og bætast því í ár í hóp þeirra 150-200 Akureyrarhúsa sem náð hafa 100 árum. Húsin eru Oddeyrargata 8, Gránufélagsgata 21 og Hafnarstræti 82.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Að sjálfsögðu óska ég öllum hlutaðeigandi, íbúum og eigendum umræddra húsa sem og fyrirtækjum og stofnunum sem þar eiga aðsetur til hamingju með stórafmælin. 

Athugasemdir

[Ingibjörg Ingadóttir (IP-tala skráð) 23.10.2019 kl. 20:24]

Sæll. Þú varst búinn að skrifa allmarga pistla um lægri númerin í Helgamagrastræti. Ég finn þetta hvergi á síðunni. Á þetta kannski allt að koma inn seinna?

[Arnór Bliki Hallmundsson, 24.10.2019 kl. 18:19]

Sæl og blessuð.

Ég er með tenglalista í vinnslu fyrir Helgamagrastrætið og reikna með að birta hann fljótlega. Þetta eru orðnar margar færslur og vegna eðlis bloggsíða, sem þessi vefur vissulega er, verður óttalegt streð að fletta fram og til baka. Það er þó hægt, ef skrunað er eins langt og hægt er, og tengillinn sem þar birtist "Næstu færslur" er opnaður. Sú leið er þó leiðinlega seinleg. Hér eru hins vegar nokkrir tenglar á lægstu númerin við Helgamagrastræti:

H1:https://arnorbl.blog.is/blog/arnorbl/entry/2235080/

H2: https://arnorbl.blog.is/blog/arnorbl/entry/2235371/

H3: https://arnorbl.blog.is/blog/arnorbl/entry/2235538/

H4: https://arnorbl.blog.is/blog/arnorbl/entry/2235683/

H5: https://arnorbl.blog.is/blog/arnorbl/entry/2235899/

H6:https://arnorbl.blog.is/blog/arnorbl/entry/2236097/

H7:https://arnorbl.blog.is/blog/arnorbl/entry/2236229/

Síðan er alltaf hægt að smella "Næsta færsla" og "Síðasta færsla" neðan við hverja færslu til þess að fletta. 

Vona að þetta gagnist eitthvað, svona meðan tenglalisti er ókominn.

Kveðja, Arnór. 

[Ingibjörg Ingadóttir (IP-tala skráð) 25.10.2019 kl. 18:56]

Takk, en þetta var nú óþarflega mikil fyrirhöfn hjá þér. Þetta er sem sagt í vinnslu, gott mál.