Lögbergsgata

Hér eru húsin við Lögbergsgötu á Ytri Brekkunni, umfjöllun frá vorinu 2019. 

Lögbergsgata 1 (1939)

Lögbergsgata 3 (1938)

Lögbergsgata 5 (1939)

Lögbergsgata 7 (1946)

Lögbergsgata 9 (1938)

Meðalaldur húsa við Lögbergsgötu árið 2019 er 79 ár (meðaltal byggingarára 1940,2)

 

104 elstu húsin á Akureyri

Húsasögugrúskið hjá síðuhafa felst ekki eingöngu í því, að færa inn myndir og söguágrip hér inn. Ég held einnig skrá yfir byggingarár, húsbyggjendur og teiknara í Excel og það býður upp á vissa möguleika, þó ekki væri nema að halda sæmilega skrá yfir þau hús, sem ég hef tekið fyrir hér. Með skráningu í Excel er einnig hægt að leika sér með ýmsa lista og tölfræði.  Ég ákvað, svona til gamans, og í tilefni af áratugs afmælis "Húsa dagsins" að taka saman lista yfir 100 elstu hús Akureyrar. En það er nú reyndar ekki svo einfalt, því svo vill til, að húsin verða að vera 103 á þessum lista, svo öll hús byggð 1903 fái að vera með. Áður en lengra er haldið skal tekið fram, að á þessum lista eru fjölmargir fyrirvarar og hvorki skyldi taka hann of hátíðlega né bókstaflega.

Fyrir það fyrsta má nefna, að í sumum tilfellum ber heimildum ekki saman um byggingarár og þá getur byggingarárum skeikað um einhver ár. Í einhverjum tilvikum er það svo, að enginn veit byggingarárið með vissu. Þá getur vel hugsast, að ég hafi gleymt einhverjum húsum o.s.frv. En eftirfarandi eru 102 elstu hús Akureyrar, samkvæmt þeim upplýsingum og heimildum sem síðuhafi hefur viðað að sér og eftir hans bestu vitund. Að sjálfsögðu fylgja tenglar á umfjallanir um þau hér á síðunni (en ekki hvað). Undantekning er reyndar Miðgarðakirkja, þar  vísar tengillinn á umsögn Minjastofnunar. Vona ég kæru lesendur, að þið hafið af þessum lista gagn og ekki síst gaman.

Ath. í tilfellum jafn gamalla húsa gildir að öllu jöfnu stafrófs- og númeraröð við götur.

 

	Hús	Byggingarár	Hverfi
1	Hafnarstræti 11; Laxdalshús	1795	Innbær
2	Aðalstræti 14	1835	Innbær
3	Aðalstræti 52	1840	Innbær
4	Lækjargata 2a	1840	Innbær
5	Aðalstræti 66	1843	Innbær
6	Aðalstræti 66b	1845	Innbær
7	Aðalstræti 56 Minjasafnskirkjan	1846	Innbær
8	Aðalstræti 62	1846	Innbær
9	Eyrarlandsstofa (í Lystigarðinum)	1848	Brekka
10	Aðalstræti 46 ; Friðbjarnarhús	1849	Innbær
11	Aðalstræti 50	1849	Innbær
12	Aðalstræti 54; Nonnahús	1849	Innbær
13	Aðalstræti 2	1850	Innbær
14	Aðalstræti 6	1850	Innbær
15	Aðalstræti 40	1851	Innbær
16	Aðalstræti 42	1852	Innbær
17	Aðalstræti 32	1854	Innbær
18	Aðalstræti 44	1854	Innbær
19	Aðalstræti 74	1857	Innbær
20	Aðalstræti 4; Gamla Apótekið	1859	Innbær
21	Lögmannshlíðarkirkja	1861	(ofan við) Glerárþorp
22	Miðgarðakirkja (umfjöllun Minjastofnunar)	1867	Grímsey
23	Lækjargata 4	1870	Innbær
24	Strandgata 49; Gránufélagshúsin	1873	Oddeyrartangi
25	Lækjargata 11	1874	Innbær
26	Strandgata 27	1876	Oddeyri
27	Aðalstræti 34	1877	Innbær
28	Aðalstræti 36	1877	Innbær
29	Lækjargata 7	1877	Innbær
30	Fróðasund 10a (áður Norðurgata 7)	1877	Oddeyri
31	Lundargata 2	1879	Oddeyri
32	Lækjargata 18	1880	Innbær
33	Norðurgata11	1880	Oddeyri
34	Norðurgata 17; Gamla Prentsmiðjan, “Steinhúsið”	1880	Oddeyri
35	Strandgata 17	1885	Oddeyri
36	Hús Hákarla Jörundar	1885	Hrísey
37	Grundargata 3	1886	Innbær
38	Lækjargata 6	1886	Oddeyri
39	Norðurgata 13	1886	Oddeyri
40	Strandgata 19	1886	Oddeyri
41	Strandgata 21	1886	Oddeyri
42	Strandgata 35	1888	Oddeyri
43	Fróðasund 11 (áður Norðurgata 9)	1890	Oddeyri
44	Aðalstræti 38	1892	Innbær
45	Hafnarstræti 2	1892	Innbær
46	Lækjargata 2	1894	Innbær
47	Lækjargata 9a	1894	Innbær
48	Hafnarstræti 49	1895	Innbær
49	Lækjargata 9	1895	Innbær
50	Lundargata 5	1895	Oddeyri
51	Lundargata 7	1895	Oddeyri
52	Wathne hús	1895	Innbær/Oddeyrartangi
53	Aðalstræti 54b	1896	Innbær
54	Lækjargata 3	1896	Innbær
55	Lundargata 9	1896	Oddeyri
56	Grundargata 5	1896	Oddeyri
57	Aðalstræti 20	1897	Innbær
58	Lundargata 6	1897	Oddeyri
59	Norðurgata 2	1897	Oddeyri
60	Norðurgata 4	1897	Oddeyri
61	Ránargata 13 (áður Hafnarstræti 107)	1897	Oddeyri
62	Byggðavegur 142 (áður íbúðarhús á Gefjun)	1898	Brekka
63	Aðalstræti 13	1898	Innbær
64	Aðalstræti 22	1898	Innbær
65	Hafnarstræti 90	1898	Miðbær
66	Lundargata 8	1898	Oddeyri
67	Lundargata 11	1898	Oddeyri
68	Lundargata 13	1898	Oddeyri
69	Lundargata 15	1898	Oddeyri
70	Norðurgata 6	1898	Oddeyri
71	Aðalstræti 17	1899	Innbær
72	Spítalavegur 9	1899	Innbær
73	Norðurgata 3 *(eyðilagðist í bruna 17. nóv. 2019)	1899	Oddeyri
74	Aðalstræti 16	1900	Innbær
75	Glerárgata 1	1900	Oddeyri
76	Hafnarstræti 53; Gamli Barnaskólinn	1900	Innbær
77	Hafnarstræti 88	1900	Miðbær
78	Hafnarstræti 92	1900	Miðbær
79	Lækjargata 2b	1900	Innbær
80	Norðurgata 1	1900	Oddeyri
81	Brekkugata 1	1901	Miðbær
82	Hafnarstræti 63; Sjónarhæð	1901	Innbær
83	Strandgata 41	1901	Oddeyri
84	Aðalstræti 10	1902	Innbær
85	Brekkugata 5	1902	Miðbær
86	Grundargata 4	1902	Oddeyri
87	Hafnarstræti 18	1902	Innbær
88	Hvoll (Stafholt 10)	1902	Glerárþorp
89	Norðurgata 15	1902	Oddeyri
90	Aðalstræti 15	1903	Innbær
91	Aðalstræti 24	1903	Miðbær
92	Aðalstræti 63	1903	Innbær
93	Brekkugata 3	1903	Innbær
94	Brekkugata 7	1903	Miðbær
95	Grundargata 6	1903	Oddeyri
96	Hafnarstræti 3	1903	Innbær
97 98	Hafnarstræti 23 Hafnarstræti 37 (eyðilagðist í bruna 19. maí 2020)	1903 1903	Innbær Innbær
99	Hafnarstræti 41	1903	Innbær
100	Hafnarstræti 86	1903	Miðbær
101	Hríseyjargata 1	1903	Oddeyri
102	Spítalavegur 1	1903	Innbær
103	Spítalavegur 8	1903	Innbær
104	Sigurhæðir (Eyrarlandsvegur 3)	1903	Miðbær

 

Hér er smáræðis tölfræði, svona til gamans:

STAÐSETNING ELSTU HÚSA BÆJARINS 

Á Akureyri standa 72 hús sem byggð eru fyrir 1900.                                                             

53 af 103 elstu húsum Akureyrar standa í Innbænum.                                                 

34 af 103 elstu húsum Akureyri standa á Oddeyri (Wathnes hús þ.m.t.). Eitt þeirra stóð upprunalega í Miðbænum.                                                       

10 af 103 elstu húsum Akureyrar standa í Miðbænum                                                   

2 af 103 elstu húsum Akureyrar standa á Brekkunni.                                                                                     

1 (a.m.k.) af 102 elstu húsum Akureyrar stendur í Hrísey (Þekki því miður ekki nægilega vel til þarna, eiginlega skömm frá að segja). 

1 (a.m.k.) af 103 elstu húsum Akureyrar stendur í Grímsey (Þar gegnir sama máli hjá síðuhafa og Hrísey)                                                          

2 af 102 elstu húsum Akureyrar standa norðan Glerár. Elsta hús Akureyrar norðan Glerár, Lögmannshlíðarkirkja stendur í Kræklingahlíð en Hvoll stendur í Glerárþorpi. Þess má reyndar geta, að heimildum ber ekki saman um byggingarár Hvols, hef séð byggingarárið 1904-06 í því samhengi. Hér hef ég hins vegar ákveðið að leyfa Hvoli að njóta vafans.                                                 

Þess má raunar geta, að 19 af 20 elstu húsum Akureyrar standa í Innbænum, undantekningin er Eyrarlandsstofa sem stendur á Brekkunni.

BYGGINGARTÍMABIL ELSTU HÚSA BÆJARINS                                                     

2 hús eru byggð fyrir 1840                                                         

10 hús eru byggð 1840-49                                                          

8 hús eru byggð 1850-59                                                            

2 hús eru byggð 1860-69                                                

9 hús eru byggð 1870-79                                                            

11 hús eru byggð 1880-89                                                          

31 hús eru byggð 1890-99                                                         

30 af 102 elstu húsum Akureyrar eru byggð eftir 1900, nánar til tekið 1900 til 1903.

Á Akureyri standa þannig 73 hús sem byggð eru fyrir 1900.                                                                                          

Meðaltal byggingarára elstu húsa Akureyrar er 1884,36 sem myndi námundast í 1884. Þ.e. árið 2019 er meðalaldur 103 elstu húsa Akureyrar 135 ár.             

 

Hús dagsins: Helgamagrastræti 11

Helgamagrastræti 11 reisti Hallgrímur Traustason árið 1937 en hann var einn þriggja sem fengu úthlutað lóð og húsgrunni Samvinnubyggingafélagsins við Helgamagrastrætið á fundi Bygginganefndar þann 5. september 1936. Fékk Hallgrímur „lóðina norðan við hús Jóhanns Kröyer [Helgamagrastræti 9]“. Teikningarnar að húsinu gerði Þórir Baldvinsson, líkt og öllum húsunum sem byggð voru við Helgamagrastræti á vegum Samvinnubyggingafélagsins 1936-37.

Helgamagrastræti 11 er tvílyft steinsteypuhús á lágum grunni og með lágu valmaþaki. Horngluggar í anda funkisstefnunnar eru til suðurs, sem og svalir á efri hæð á SA horni. Á bakhlið er einlyft viðbygging, lágreistur geymsluskúr með einhalla aflíðandi þaki (skúrþaki), niðurgrafinn. Steining er á veggjum og þeir málaðir en pappi á þaki.

Líkt og flest allir, sem byggðu á reitum Samvinnubyggingafélagsins, starfaði Hallgrímur Traustason hjá KEA, lengst af hjá kornvörudeild félagsins en einnig við bögglageymsluna. Hóf hann störf hjá félaginu 1929. Hallgrímur bjó hér allt til dánardægurs, 1968. Eiginkona Hallgríms var Kristín Ingibjörg Jónsdóttir frá Hóli í Svarfaðardal en Hallgrímur var Þingeyingur, frá Köldukinn. Sonur þeirra, Jónas H(allgrímsson) Traustason, framkvæmdastjóri byggði húsið að Holtagötu 3 árið 1941. Ýmsir hafa búið í húsinu um lengri eða skemmri tíma en öllum auðnast að halda því og lóðinni vel við. Árið 1951 byggði Hallgrímur lágreistan geymsluskúr við húsið baka til, eftir teikningum Adams Magnússonar. Að öðru leyti er húsið óbreytt frá upphaflegri gerð, líkt og flest nærliggjandi hús í þessari merku röð.

Helgamagrastræti 11 er í senn og einfalt og látlaust og stórglæsilegt hús og í mjög góðri hirðu. Lóðin er einnig vel gróin og hana prýða m.a. nokkur stæðileg reynitré. Tvær íbúðir munu í húsinu, hvor á sinni hæð. Myndin  er tekin þann 24. feb. 2019

Heimildir:

Akureyrarbær og Teiknistofa Arkitekta, Gylfi Guðjónsson og félagar. (2015). Norðurbrekkan, neðri hluti. Húsakönnun. Akureyrarbær: Pdf-útgáfa aðgengileg á  slóðinni http://www.akureyri.is/static/files/Skipulagsdeild/Deiliskipulog/Nordur_Brekka/n-brekka-husakonnun-150129-vefutgafa.pdf 

Bygginganefnd Akureyrar. Fundargerðir 1935-41. Fundur nr. 780, þ. 5. sept. 1936. Óprentað og óútgefið, varðveitt á Héraðsskjalasafninu á Akureyri.

Býlin og önnur hús í Glerárþorpi

Hér eru þau býli og stöku hús í Glerárþorpi, sem ég hef tekið fyrir hér á vefnum. Elstu pistlarnir eru afar stuttaralegir, aðeins fáein orð en eftir 2014-15 er örlítið meira "kjöt á beinunum". Ég hef flokkað Lögmannshlíðarkirkju með Glerárþorpi enda þótt hún standi líklega vel ofan þess svæðis, sem almennt kallast Glerárþorp. Lögmannshlíðarkirkja er elsta bygging Akureyrar norðan Glerár. Ekki er um neina sérstaka röð að ræða, nema e.t.v. tímaröð og þau sem ég fjallaði um "sampistla" eru saman á tenglum.

Bergstaðir,

Lundgarður,

Skútar

Sæborg

Byrgi- Hvoll- Sandgerði- Sjónarhóll

Ásbyrgi- Árnes - Sólheimar

Brautarholt- Lundeyri- Sandvík

Skarðshlíð 36-40, Undirhlíð 2

Lyngholt

Grænahlíð 

Árholt (áður Glerárskóli), Hátún, Sólvangur

Grímsstaðir- Steinaflatir

Harðangur, Hjarðarholt

Melgerði

Árbakki- Árgerði- Viðarholt (ítarlegri pistill birtist síðar)- Lynghóll- Vallholt (ath. horfið hús, brann haustið 2009)

Stöðvarhús Glerárvirkjunar

Kristnes

Eyri í Sandgerðisbót 

Jaðar

Viðarholt 

Lögmannshlíðarkirkja

 

Hús dagsins: Helgamagrastræti 10

Meðalaldur húsa við Helgamagrastræti er nokkuð drjúgur, gæti verið nærri 75 árum þegar þetta er ritað. Enda standa aðeins þrjú hús við götuna sem byggð eru eftir 1950, þ.e. leikskólinn Hólmasól (b. 2005), fjölbýlishús neðst við götuna nr. 53, (b. 1990) og Helgamagrastræti 10.

Helgamagrastræti 10 er byggt árið 1985 eftir teikningum  Jóns Haraldssonar. Það er stórbrotið, tvílyft steinsteypuhús með flötu þaki og voldugum útskotum á hornum auk viðbygginga á bakhlið. Norðan við húsið er einnig bílskúr. Húsið er sagt í módernisma stíl og „í óræðum nútímastíl og í anda nokkurra sérstæðra bygginga Jóns Haraldssonar arkitekts“ í Húsakönnun 2015. (Ak.bær, Teiknistofa Arkitekta 2015:76).

Enda þótt húsið sé byggt 1985, er það engu að síður svo, að elstu heimildir sem timarit.is finnur um þetta heimilisfang eru frá árinu 1950. Þá hefur verið risin þarna bygging, sem hýsti fisksölu á þeim tíma en síðar var þarna m.a. Kjöt og fiskur (þessi auglýsing frá 1962),  Radíóvinnustofan  og bílasala svo fátt eitt sé nefnt.  Þessi bygging var líkast til rifin um 1982.  

En Helgamagrastræti 10 er stórbrotið og sérstætt hús, mætti kannski segja stórskorið. Það er vitaskuld nokkuð ólíkt nærliggjandi funkishúsum frá 4. áratugnum að gerð, enda kannski eðlilegt þegar um er að ræða nærri 50 árum yngra hús. Húsið er í frábærri hirðu og snyrtilega frágengið sem og allt umhverfi þess. Allt er húsið og umhverfi þess mjög svipmikið og skrautlegt, t.a.m. veglegar ljónastyttur við inngöngutröppur svo fátt eitt sé nefnt. Myndin er tekin þann 24. febrúar 2019.

Hús dagsins: Helgamagrastræti 9

Helgamagrastræti 9 byggði Jóhann Þorsteinsson Kröyer verslunarstjóri hjá KEA árið 1936. Hann var einn margra félaga Samvinnubyggingafélagsins sem fékk útvísaða lóð og húsgrunn félagsins við Helgamagrastrætið í ársbyrjun 1936. Það vildi meira að segja svo til, að það var fyrsta verk Bygginganefndar á árinu 1936 að yfirfæra þessar lóðir Byggingafélagsins til félagsmanna. Húsin sem þarna risu voru byggð eftir teikningu Þóris Baldvinssonar.

Helgamagrastræti 9 er tvílyft steinsteypuhús á lágum grunni og með lágu valmaþaki. Horngluggar í anda funkisstefnunnar eru til suðurs, sem og svalir á efri hæð á SA horni. Á bakhlið er viðbygging, jafn há húsinu, og er hún einnig með flötu þaki.Perluákast er á veggjum og þeir málaðir en pappi á þaki.

Jóhann Þorsteinsson Kröyer var fæddur á Svínárnesi á Látraströnd þann 21. janúar 1895. (Þess má til gamans geta, að þann sama dag fæddist annar drengur handan fjarðarins á Fagraskógi á Galmaströnd, nefnilega þjóðskáldið Davíð Stefánsson). Jóhann  tók við búi foreldra sinna á Svínárnesi og var bóndi þar ásamt fyrri konu sinni Evu Pálsdóttur um nokkurra ára skeið. Á þriðja áratugnum fluttist hann til Neskaupstaðar þar sem hann var verslunarstjóri, þá var hann kaupfélagsstjóri á Ólafsfirði 1929-´34 en fluttist þá til Akureyrar. Jóhann var um lengi verslunarstjóri hjá KEA, nánar til tekið í kjötbúð félagsins en síðar gegndi hann stöðu forstjóra Vátryggingadeildar KEA. Hann bjó hér allt til æviloka, en hann varð 101 árs og var elsti borgari Akureyrar er hann lést haustið 1996. Seinni kona Jóhanns var Margrét Guðlaugsdóttir, sem tók upp ættarnafn hans, Kröyer. Margrét Kröyer var um áratugaskeið mjög virk í starfi kvenfélagsins Framtíðar og einn af máttarstólpum þess. Hún gegndi tvisvar formennsku félagsins en var einnig um tíma formaður Kvenfélagasambands Akureyrar. Hún seldi lengi vel héðan frá heimili sínu Minningaspjöld Framtíðar.

Helgamagrastræti er stórglæsilegt hús og í mjög góðri hirðu. Viðbygging fellur vel að húsinu, en hún er byggð árið 1954 af þeim Jóhanni og Margréti eftir teikningu Mikaels Jóhannssonar. Samkvæmt teikningum er ráð fyrir byggingu valmaþaks á sama tíma, en ekki virðist hafa orðið að þeirri þakbreytingu.  Segir í Húsakönnun 2015 að viðbygging sé „[...]látlaus og fari húsinu ágætlega“ (Ak.bær, Teiknistofa Arkitekta 2015: 75). Lóðin er einnig vel hirt og gróin og ber þar mikið á gróskumiklum birkitrjám og runnagróðri á framlóð. Er það sammerkt húsum á þessu svæði, að lóðirnar eru mjög gróskumiklar. Húsið hlýtur í áðurnefndri Húsakönnun varðveislugildi 2 sem hluti merkrar heildar.

Sem áður segir gegndi Jóhann Kröyer, sem byggði Helgamagrastræti 9, stöðu verslunarstjóra í kjötbúð Kaupfélags Eyfirðinga á fjórða og fimmta áratug 20. aldar.  Í bók Steindórs Steindórssonar um Akureyri má finna eina gamansögu um samskipti Jóhanns Kröyer og bónda framan úr Eyjafirði. Þannig var, að bóndinn kom í   kjötbúð KEA í Hafnarstræti 87 og vildi selja þar kýrskrokk. Jóhann  vildi hins vegar aðeins kaupa hálfan skrokkinn. Bónda þótti það ekki alveg nógu gott og spurði þá, hvað hann ætti þá að gera við hinn helminginn. „O, þú lætur hann lifa“ svaraði Kröyer þá að bragði. (sbr. Steindór Steindórsson 1993: 143).

Myndin er tekin þann 24. febrúar 2019.

Heimildir:

Akureyrarbær og Teiknistofa Arkitekta, Gylfi Guðjónsson og félagar. (2015). Norðurbrekkan, neðri hluti. Húsakönnun. Akureyrarbær: Pdf-útgáfa aðgengileg á  slóðinni http://www.akureyri.is/static/files/Skipulagsdeild/Deiliskipulog/Nordur_Brekka/n-brekka-husakonnun-150129-vefutgafa.pdf 

Bygginganefnd Akureyrar. Fundargerðir 1935-41. Fundur nr. 767, þ. 4. jan. 1936. Óprentað og óútgefið, varðveitt á Héraðsskjalasafninu á Akureyri.

Steindór Steindórsson. (1993). Akureyri; höfuðborg hins bjarta norðurs. Reykjavík: Örn og Örlygur.

Húsapistlar 2013

Hér eru Húsapistlar ársins 2013 aðgengilegir á einu bretti. Hef ég þar með lokað hringnum, en í ársbyrjun 2015 tók ég upp þá venju, að birta nk. "húsaannál" nýliðins árs, sem í því tilfelli var 2014. Þess má reyndar geta, að einhverra hluta eru elstu tenglarnir þar orðnir óvirkir, en færslurnar eru ekki horfnar. En á árinu 2013 birti ég 62 pistla, og voru þeir orðnir 245 frá upphafi í lok ársins. Í gegn um þetta grúsk á síðunni, hef ég komist að því sem ég hef aldrei verið viss um, hvað pistlarnir eru margir og því ljóstra ég upp hér að neðan. Ég hef satt best að segja ekki verið neitt sérstaklega upptekinn af því, hvað pistlarnir eru margir, ekki talið fjöldann skipta máli sem slíkan. En það getur verið gaman að hafa þetta á takteinunum. En hér eru pistlar ársins 2013:

184. Hús dagsins: Hafnarstræti 106. Birt 9.1.13
185. Hús dagsins: Brekkugata 11. Birt 13.1.13
186. Hús dagsins: Brekkugata 8; Brekkukot. Birt 21.1.13
187. Hús dagsins: Brekkugata 9. Birt 26.1.13

 188. Hús dagsins: Brekkugata 15. Birt 28.1.13                              

189. Hús dagsins: Brekkugata 14. Birt 29.1.13
190. Hús dagsins: Þingvallastræti 25. Birt 30.1.13
191. Hús dagsins: Lundur. Birt 2.2.13
192. Hús dagsins: Skarð og Setberg, v. Hamragerði. Birt 10.2.13
193. Hús dagsins: Gránufélagsgata 29.  Birt 14.2.13
194. Hús dagsins: Gránufélagsgata 20.  Birt 18.2.13
195. Hús dagsins: Fróðasund 3. Birt 21.2.13
196. Hús dagsins: Glerárgata 1. Birt 26.2.13
197. Hús dagsins: Eyrarlandsvegur 8.  Birt
198. Hús dagsins: Eyrarlandsvegur 12. Birt
199. Hús dagsins: Eyrarlandsvegur 14. Birt
200. Hús dagsins: Eyrarlandsvegur 16. Birt 15.3.2013
201. Hús dagsins: Eyralandsvegur 20.  Birt 20.3.2013
202. Hús dagsins: Eyrarlandsvegur 22  Birt 25.3.2013 
203. Hús dagsins: Eyrarlandsvegur 24  Birt 27.3.2013 
204. Hús dagsins: Möðruvallastræti 2.   Birt 4.4.2013 
205. Hús dagsins: Hafnarstræti 2.   Birt 11.4.2013 
206. Hús dagsins: Aðalstræti 24.    Birt 18.4.2013
207. Hús dagsins: Hríseyjargata 9.  Birt 27.4.2013
208. Hús dagsins: Lundargata 7 og Gránufélagsgata 10.  Birt 10.5.2013
209. Hús dagsins: Lundargata 9.  Birt 15.5.2013
210. Hús dagsins: Gránufélagsgata 21. Birt 27.5.2013
211. Hús dagsins: Fróðasund 11. Birt 29.5.2013
212. Hús dagsins: Gránufélagsgata 12 (áður 28) Birt 8.6.2013
213. Hús dagsins: Grundargata 1. Birt 13.6.2013
214. Hús dagsins: Grundargata 3. Birt 15.6.2013
215. Hús dagsins: Grundargata 4. Birt 16.6.2013
216. Hús dagsins: Grundargata 5. Birt 19.6.2013
217. Hús dagsins: Stöðvarhús Glerárvirkjunar. Birt 27.6.2013                               
218. Hús dagsins: Hamrar. Birt 1.7.2013
219. Hús dagsins: Naustabæirnir. Birt 7.7.2013
220. Hús dagsins: Sómastaðir á Reyðafirði. Birt 15.7.2013
221. Hús dagsins: Spítalavegur 17. Birt 18.7.2013
222. Hús dagsins: Spítalavegur 19. Birt 19.7.2013
223. Hús dagsins: Spítalavegur 21. Birt 24.7.2013                    
224. Hús dagsins: Aðalstræti 58; Kirkjuhvoll. Birt 1.8.2013
225. Hús dagsins: Aðalstræti 72. Birt 4.8.2013
226. Hús dagsins: Strandgata 25. Birt 6.8.2013
227. Hús dagsins: Strandgata 25b Birt 9.8. 2013
228. Hús dagsins: Strandgata 37 Birt 10.8.2013

 229. Hús dagsins:Strandgata 39. Birt 13.8.2013                         

230. Hús dagsins: Strandgata 41 Birt 16.8.13
231. Hús dagsins: Strandgata 43 Birt 20.8.13                              
232. Hús dagsins: Strandgata 45. Birt 28.8.13                            
233. Hús dagsins: Strandgata 29 og 31. Birt 6.9.13 12:04
234. Hús dagsins: Hafnarstræti 29
235. Hús dagsins: Hafnarstræti 31 og 33. Birt 27.9.13                            
236. Hús dagsins: Hafnarstræti 35 Birt 29.9.13                          
237. Hús dagsins: Hafnarstræti 37 og 39 Birt 7.10.13
238. Hús dagsins: Hafnarstræti 41 Birt 15.10.13                       
239. Hús dagsins: Hafnarstræti 45 Birt 16.10.13                        
240. Hús dagsins: Hafnarstræti 47; Bakkahöllin Birt 19.10.13                               
241. Hús dagsins: Hafnarstræti 25 Birt 26.10.13                        
242. Hús dagsins: Norðurgata 4 Birt 29.11.13                             
243. Hús dagsins: Norðurgata 6 Birt 9.12.13               
244. Hús dagsins: Norðurgata 13 Birt 12.12.13
245. Hús dagsins: Norðurgata 15 Birt 21.12.13

Við talningu á pistlunum mínum frá upphafi kom í ljós, að í lok árs 2018 voru pistlarnir orðnir 532. Ég mun hafa birt 38 pistla það sem af er þessu ári, þannig að þegar þetta er ritað er fjöldi "Húsa dagsins" pistlanna orðinn 570. (Næsti pistill, sem verður um Helgamagrastræti 9 verður þannig nr. 571. Svo getur þessari talningu skeikað eitthvað til eða frá )

Strandgata

Hér eru pistlar um hús við Strandgötu á Oddeyri. Margir hverjir eru með fyrstu pistlum sem hér birtust og e.k. börn síns tíma. Kunnugir kunna að reka augun í það, að þetta eru alls ekki öll hús við Strandgötu. Þetta eru aðeins þau sem ég hef tekið fyrir hér á vefnum, en fleiri eiga svo sannarlega eftir að bætast við.

Strandgata 1 (1953)

Strandgata 3 (2000)

Strandgata 4; Nýja Bíó (1929)

Strandgata 7 (1907)

Strandgata 9 (1907)

Strandgata 11 (1907)

Strandgata 11b (1915)

Strandgata 12; Hof (2010)

BSO við Strandgötu (1956)

Strandgata 13 (1907)

Strandgata 17 (1885)

Strandgata 19 (1886)

Strandgata 19b (1906)

Strandgata 21 (1886)

Strandgata 23 (1906)

Strandgata 25. (1910)

Strandgata 25b (1924)

Strandgata 27 (1876)

Strandgata 29 og 31. (1965 og 1988)

Strandgata 33 (1924)

Strandgata 35 (1888)

Strandgata 37  (1946)

Strandgata 39.  (1907)                        

Strandgata 41 (1901)

Strandgata 43 (1920)                            

Strandgata 45 (1914)

Strandgata 49 (1873)

Götur á Oddeyri

Hér eru hús sem ég fjallað um við Hólabraut, Geislagötu, Glerárgötu og Grundargötu. Allar eru þær á Oddeyri og liggja N-S. Glerárgata er raunar hluti Hringvegar; Þjóðvegur 1 gegn um Akureyri og telja margir svæðið ofan Glerárgötu til Miðbæjar fremur en Oddeyrar. En hvað mig varðar er það er alveg skýrt, að Oddeyrin nær að Brekkurótum. Miðbærinn er í Bótinni.

Hólabraut

Hólabraut 13; Zíon (1933)

Hólabraut 15 og Hólabraut 17 (1931 og 1933)

Geislagata 

Geislagata 10 (1925)

Geislagata 14; Sjallinn (1963)

Glerárgata 

Glerárgata 1 (1900)

Glerárgata 5 (um 1910-2017). Var rifið haustið 2017. 

Grundargata 

Grundargata 1 (1924)

Grundargata 3 (1886)

Grundargata 4 (1902)

Grundargata 5 (1895)

Grundargata 6 (1903)

Grundargata 7 (1920)

Svo sem sjá má er meðalaldur húsa við Grundargötu nokkuð hár, eða 114 ár árið 2019. Líklega er þetta einn hæsti meðalaldur húsa við Akureyrska götu. 

Hús við Þingvallastræti

Hér eru hús við Þingvallastræti, sem ég hef tekið fyrir hér á vefnum. Skipuleg yfirferð hefur einungis náð yfir elsta hlutann, neðan Þórunnarstrætis, auk Icelandair hótels og Þingvallastrætis 25, sem byggt var ofan þéttbýlis á sínum tíma (1936). 

Þingvallastræti 2   (1932)

Þingvallastræti 4 (1929)

Þingvallastræti 6 (1929)

Þingvallastræti 8 (1930)

 Þingvallastræti 10 (1931)

 Þingvallastræti 12 (1931)

Þingvallastræti 14 (1933)

Þingvallastræti 16 (1936)

Þingvallastræti 18 (1935)

Þingvallastræti 23; Gamli Iðnskólinn, Icelandair Hotels.  (1969)

Þingvallastræti 25.  (1936)