Húsapistlar 2010

Hér eru Húsapistlar ársins 2010, sá fyrsti var númer 40 frá upphafi og birtist þ. 4. janúar, en í lok ársins voru pistlarnir orðnir 92.

40. Hús dagsins: Rósenborg, áður Barnaskóli Akureyrar Birt 4.1.10
41. Hús dagsins: Aðalstræti 66 og 66a Birt 8.1.10 12:15                                                    
42. Hús dagsins: Strandgata 35 Birt 12.1.10
43. Hús dagsins: Nokkur hús í 101, Vatnsstígur 4. Birt 17.1.10
44. Hús dagsins: Aðalstræti 44 Birt 21.1.10
45. Hús dagsins : Kaupangsstræti 6 og Ketilhús Birt 25.1.10
46. Hús dagsins: Ós, skólahús Glerárþorps Birt 3.2.10 17:10 
47. Hús dagsins: Gefjunarhúsið á Gleráreyrum Birt 11.2.10 ATH. Horfið hús ☹
48. Hús dagsins: Lundargata 11 Birt 5.3.10 13:40 
49. Hús dagsins: Hafnarstræti 49; Hvammur Birt 6.3.10
50. Hús dagsins: Strandgata 21 Birt 8.3.10
51. Hús dagsins: Bifreiðastöð Oddeyrar, BSO Birt 18.3.10
52. Hús dagsins: Gamli Skóli Birt 22.3.10
53. Hús dagsins: Hafnarstræti 92 Birt 5.4.10 
54. Hús dagsins: Hafnarstræti 82 Birt 14.4.10
55. Hús dagsins: Hafnarstræti 73. Birt 19.4.10
56. Hús dagsins: Hafnarstræti 86 Birt 29.4.10
57. Hús dagsins: Hafnarstræti 77 Birt 30.4.10
58. Hús dagsins: SigurhæðirBirt 7.5.10                                                    
59. Hús dagsins: Eyrarlandsvegur 26 Birt 11.5.10
60. Hús dagsins: Aðalstræti 54: Nonnahús Birt 23.5.10
61. Hús dagsins: Aðalstræti 63 Birt 29.5.10 18:30 
62. Hús dagsins: Aðalstræti 38 Birt 30.5.10
63. Hús dagsins: Hafnarstræti 19 Birt 4.6.10
64. Hús dagsins: Aðalstræti 52 Birt 7.6.10
65. Hús dagsins: Spítalavegur 1 Birt 13.6.10
66. Hús dagsins: Gamla Gróðrarstöðin v. Eyjafjarðarbraut Birt 18.6.10
67. Hús dagsins: Brekkugata 5 Birt 28.6.10
68. Hús dagsins: Hafnarstræti 86a Birt 2.7.10
69. Hús dagsins: Hafnarstræti 67. Birt 10.7.10
70. Hús dagsins: Oddeyrargata 15. Örlítið um R-stein. Birt 15.7.10
71. Hús dagsins: Brekkugata 10 og 31 Birt 23.7.10
72. Hús dagsins: ÞorsteinsskáliBirt 25.7.10                                               
73. Hús dagsins: Spítalavegur 15 Birt 5.8.10
74. Hús dagsins: Hafnarstræti 88 Birt 10.8.10
75. Hús dagsins: Þrjú hús (þar af ein kirkja) í Eyjafjarðarsveit, eftir Sveinbjörn Jónsson Birt 13.8.10                        
76. Hús dagsins: Aðalstræti 10; Berlín Birt 22.8.10  
77. Hús dagsins: Menningarhúsið Hof (Strandgata 12) Birt 28.8.10  
78. Hús dagsins: Hafnarstræti 23 Birt 1.9.10  
79. Hús dagsins: Spítalavegur 9 Birt 8.9.10
80. Hús dagsins: Aðalstræti 6 Birt 26.9.10
81. Hús dagsins: Wathne hús (stóð neðst við Gránufélagsgötu) Birt 8.10.10
82. Hús dagsins: Strandgata 19b Birt 15.10.10
83. Hús dagsins: Lundargata 5 Birt 19.10.10
84. Hús dagsins: Norðurgata 4 og 6 Birt 24.10.10  
85. Hús dagsins: Lækjargata 4 Birt 3.11.10
86. Hús dagsins: Aðalstræti 34 Birt 9.11.10
87. Hús dagsins: Aðalstræti 32 Birt 29.11.10
88. Hús dagsins: Fróðasund 10a Birt 29.11.10
89. Hús dagsins: Aðalstræti 36 Birt 5.12.10
90. Hús dagsins: Brekkugata 23-29 Birt 8.12.10 (Ath. síðar birtust ítarlegri pistlar um hvert og eitt þessara húsa).
91. Hús dagsins: Aðalstræti 80 Birt 13.12.10 15:10. 
92. Hús dagsins: Aðalstræti 62 Birt 17.12.10           

Hús dagsins: Helgamagrastræti 5

Helgamagrastræti 5 reisti Agnar Guðlaugsson árið 1936 á lóð sem hann fékk útvísað ásamt húsgrunni, frá Samvinnubyggingafélaginu. Líkt og nærliggjandi hús er það byggt eftir teikningu Þóris Baldvinssonar og er tvílyft steinsteypuhús á lágum grunni og með lágu valmaþaki. Horngluggar í anda funkisstefnunnar eru til suðurs, sem og svalir á efri hæð á SA horni. Perluákast  er á veggjum og eru þeir málaðir í múrlit en pappi á þaki.

Agnar Guðlaugsson, sem byggði Helgamagrastræti 5, starfaði m.a. sem fulltrúi hjá KEA, einnig sem deildarstjóri og sá um innkaup hjá félaginu. En þessi hús syðst við Helgamagrastræti voru einmitt reist fyrir starfsmenn Kaupfélagsins, sem stóðu að Samvinnubyggingafélaginu. Agnar lést í árslok árið 1939, aðeins 36 ára. Ekkja Agnars, Sigrún Pétursdóttir bjó hér áfram um árabil eftir lát hans. Húsið hefur mest alla tíð verið einbýli en þó voru þarna a.m.k. tvær íbúðir á tímabili. Húsið er lítið sem ekkert breytt frá upphaflegri gerð, en hefur þó alla tíð verið vel við haldið.

Helgamagrastræti 5 hlýtur í Húsakönnun 2015 2. stigs varðveislugildi sem hluti þeirrar merku heildar, sem funkishúsaröð Samvinnubyggingafélagsins er. Húsið er í mjög góðri hirðu og til mikillar prýði sem og lóðin sem er vel gróin og ræktarleg. Sigrún Pétursdóttir mun hafa ræktað garð sinn af alúð og natni á sínum tíma, og mögulega hefur hún gróðursett lerkitrén sem áberandi eru og prýða mjög garðinn á Helgamagrastræti 5. Trjágróður setur mikinn svip á Helgamagrastrætið, líkt og gjörvalla Ytri Brekkuna. (Alkunna er, að þessi hluti bæjarins er sem skógur á að líta þegar horft er yfir Pollinn til Akureyrar af hlíðum Vaðlaheiðar). Á lóðinni stendur  gróskumikið og verklegt Evrópulerki suðaustan hússins, og er það talað með merkari trjám á Akureyrar; rataði a.m.k. í bæklingin Merk tré árið 2005. Þá var hæð þess 11,5m en væntanlega er það orðið eitthvað hærra þegar þetta er ritað, tæpum hálfum öðrum áratug síðar.  Hér er mynd sem tekin var í ágústlok 2013 í Trjágöngu Skógræktarfélagsins um Brekkuna. Myndin ef húsinu er tekin þann 24. febrúar 2019.

Heimildir:

Akureyrarbær og Teiknistofa Arkitekta, Gylfi Guðjónsson og félagar. (2015). Norðurbrekkan, neðri hluti. Húsakönnun. Akureyrarbær: Pdf-útgáfa aðgengileg á  slóðinni http://www.akureyri.is/static/files/Skipulagsdeild/Deiliskipulog/Nordur_Brekka/n-brekka-husakonnun-150129-vefutgafa.pdf 

Bygginganefnd Akureyrar. Fundargerðir 1935-41. Fundur nr. 767, þ. 4. jan. 1936. Óprentað og óútgefið, varðveitt á Héraðsskjalasafninu á Akureyri.